السّلام على الحسين وعلى أولاد الحسين وعلى اخوة الحسين وعلى أنصار الحسين ..أعظم اللّه الأجر لرسول اللّه وأهل بيت النّبوة صلوات اللّه وسلامه عليهم ولشيعتهم ومحبيهم ..
قصيدة حنين الأربعين قصيدة عامية من ديوان ( من محبرة قلبي ) ..
يازهرة قومي بحنين .. سيري الكربله الحين
خذي السّجاد يزور وياچ .. خذي زينب تزور حسين
آه ياوادي كربله ولحزان .. ما رحمت حسين بالميدان
ماشفته اشكثر عطشان .. ما شفت لوعة النسوان
عتبي عليك في كل حين .. ليش اسلبت مني حسين
يازهرة قومي بحنين .. سيري الكربلة ألحين *
وخذيني لعند قبره .. أشم من النحر عطره
وبگلبي تشتعل جمره .. وما إلنا سوى اللّه
شوفي أشبالچ والتكوين .. شوفي إشصار بلمحبين
يا زهرة قومي بحنين .. سيري الكربلة ألحين *
وچم يا كربلة إتشربين .. دما وخيام إتحرقين
ومن الوديان چم جبتين ..وعلى قتلاش بعد تبچين
بسچ يا كربلة إچتلين .. و على الوديان تتعدين
يازهرة قومي بحنين .. سيري الكربلة ألحين *
يازهرة إتقطعت أوصال .. يازهرة إتيتمت أطفال
يازهرة إذّبحت أبطال .. وانهدمت مساجدنا
ما شفتي عباس والچفين .. ماشفتي ضلوع حسين
يازهرة قومي بحنين .. سيري الكربلة ألحين *
چم شهيد وقع بالميدان .. وچم قتيل من الرضعان
وچم اتكسّرت ضلعان .. وما سلمت حرايرنا
يازهرة قومي بحنين .. سيري الكربلة ألحين
خذي السّجاد يروح وياچ .. خذي زينب تزور حسين *
والرّضع يا زهرة لا تنسيهم .. لرضيع حسين تأخذيهم
وضلوع الشهيد لمّيهم .. لضلوع حسين ودّيهم
يازهرة قومي بحنين .. سيري الكربلة ألحين
خذي شيعتچ تروح وياچ .. خذي البحرين تزور حسين
د . أحلام الحسن
